Khulasha Traweh 1

لوگو ں !  آؤ تعریف کریں اس  رب العالمین کی جس کا نظامِ ربوبیت حیرت انگیز اور تمام خوبیوں بڑائیوں اور اچھی

صفاتوں کا بے مثال نمونہ ہے اے اللہ ہم صرف تیری ہی بندگی و فرمانبرداری کرتے ہیں اور اپنی ساری ضرورتوں میں صرف تجھ ہی سے مدد چاہتے ہیں

یہ قرآن ایک عظیم الشان کتاب ہے جو شک و شبہ سے پاک اور متقین کے لیے مستقل ہدایت ہے اور ضابطہ حیات ہے جو لوگ انکارحق کے عادی ہو چکے ہیں ان کے دلوں اور کانوں پرمہر لگا دی ہے ان کی آنکھوں پر پردے پڑ گئے ہیں۔ لوگو میں ایک گروہ وہ بھی ہے جو زبان سے تو ایماندار ہونے کا مدعی ہے مگر دل سے مومن نہیں یہ لوگ خدا اور بندگان خدا کو دھوکہ دینا چاہتے ہیں حالانکہ وہ اپنے تئیں خود فریبی کا شکار ہیں افسوس کی یہ دورنگی چال چلنے والے اس حقیقت سے نا آشنا ہیں کہ اللہ تعالی ان کے لیے عذاب الیم تیار کر رکھا ہے تم صرف اور صرف اللہ کی ہی عبادت کرو جو تمام کائنات کا خالق مالک اور پروردگار ہے اور قران مجید سے منہ موڑ کر اللہ سے تعلق نہ بگاڑو اگر تم اس قران مجید کو کلام اللہ کے بجائے کسی انسان کی تصنیف سمجھتے ہو تو اس کا فیصلہ بہت ہی آسان ہے کہ تم بھی انسان ہو اور سب مل کر اس جیسی صرف ایک صورت ہی بنا لاؤ مگر ہم دعوے سے کہتے ہیں کہ تم کبھی ایسا نہیں کر سکو گے آدم اور اولاد آدم کو اس کرہ ارضی پر خلیفہ بنانے کا ذکر کر کے اسے نصیحت کی کہ ابلیس تمہارا ازلی دشمن ہے اس کے وسوسے کاریوں سے ہوشیار رہنا دیکھو تمہیں عزت جب ہی ملے گی جب تم میری ہدایت پر عمل کرو گے اے بنی اسرائیل میرے ساتھ کیے گئے عہد و پیما پورے کرو اور دین فروشی اور حق فروشی سے گریز کرو حق و صداقت کو جھوٹے من گھڑت قصے کہانیوں اور فرضی حکایتوں کے ساتھ غلط ملط کر کے مشتبہ نہ بناؤ کتمان حق سے پرہیز کرو اور نماز و زکوۃ کی ادائیگی کا اہتمام کرو وہ ان ہدایت پر عمل کرنا بہت کٹھن کام ہے لیکن جن لوگوں کے دل اپنے اللہ کے اگے  جھکنے کے عادی ہیں ان کے لیے کوئی مشکل نہیں

لوگو اس دن کے مواخذہ سے۔ بچنے کا سامان کرو جب کوئ کسی کے کام نہیں آئے گا نہ کسی کے حق میں کسی کی سفارش مانی جائے گی نہ کسی قسم کا کوئی بدلہ قبول کیا جائے گا پھر اللہ کی نافرمانوں کو کہیں سے کوئی مدد نہ مل سکے گی۔ وادئ سینا میں بنی اسرائیل پر کیے گئے انعامات کا ذکر کر کے ان کی سرکشی کوبیان کیا۔

انجام  کار ذلت نامرادی ا ن کا مقدر بن گئ اور ہمیشہ کے لئے عذاب الہی کا نشانہ بن گئے  اور یہ سب کچھ ان کی نافرمانی اور سرکشی کے بدولت ہوا بنی اسرائیل کے اس نظریے کی نفی کی گئی کہ ہم نبیوں کی اولاد اور صاحبزادے ہیں اس  لیے گرفت الہی سے آزاد ہیں سنو اللہ تعالی کسی مخصوص گروہ کے ساتھ جانبداری کا برتاؤ نہیں کرتا  اللہ تعالی کے ہاں زیادہ مقرب وہ ہیں جو ایمان و عمل صالح سے آراستہ ہیں۔

بڑے بڑے معجزات دیکھنے کے باوجود بنی اسرائیل کے دل نرم نہیں ہوئے یہ لوگ کلام الہی کو سمجھنے کے باوجود اس میں تحریف کرتے ہیں اور پھر بڑی ڈھٹائی کے ساتھ اپنے آپ کو جنت کا اٹھکیدار گردانتے ہیں۔ یاد رکھو عذاب جہنم سے نجات کسی قوم کی میراث نہیں بلکہ جو بھی برائی کرے گا وہ سزائیں سزاوار عذاب ہوگا۔ اللہ کے سوا کسی کی عبادت نہ کرو والدین رشتہ داروں یتیموں اور بے کسوں کے ساتھ نیکی سے پیش آؤ

وہ لوگ کتنے برے لوگ ہیں جو کتاب اللہ کے بعض احکام مانتے ہیں اور بعض کا انکار کرتے ہیں یہ لوگ حیات دنیا میں رسوا اور ذلیل ہوں گے اور قیامت کے دن بھی سخت ترین عذاب کا لقمہ بنیں گے۔ بعض دین دار لوگ ایسے بھی ہیں جو احکام ان کی طبیعت کے موافق ہوتے ہیں انہیں دل وجان سے تسلیم کیا اور ان کی خواہش کی مخالف ہوئے انہیں رد کر دیا حالانکہ اللہ تعالی کے سارے احکام ماننا چاہیے اس کے باوجود اپنے آپ کو مومن اور جنت کا ٹھیکیدار سمجھتے ہیں اورہ کہتے ہیں کہ نجات صرف ہمارا حق ہےاورحال یہ ہے کہ دنیوی زندگانی پر مشرکوں سے بھی زیادہ حریص ہیں

بنی اسرائیل کا حال یہ ہے کہ کتاب الہی کی تعلیم چھوڑ کر سحر اور جادو تعویذ گنڈوں اور ٹونوں ٹوٹنکوں جیسی شیطانی تعلیم و مشرکانہ عملوں کی پیروی کرتے ہیں۔ یاد رکھو جو شخص اپنا دین اور ایمان بیچ کر جادو گری کا خریدار بنتا ہے اور سفلی و شیطانی عمیالیات حاصل کرتا ہے وہ اپنی عاقبت کو تباہ و برباد کرتا اور آخری نعمتوں کا کونڈا کرتا ہے۔